مافيش عندك مانع

ق. مافيش عَندَك مانِع .. مافيش عَندَك مانِع

مافيش عَندَك مانِع .. إنتَ فوق كُل المَوانِع

1. مافيش عَندَك مانِع .. إنَّك تِبارِكني فوق الحَدّ

وافضَل ليك سامِع .. وصوت الكِدب تسِدّ

تِفتَح إيدَك تِشبِع عُمري .. بجودَك وحَنانَك

جُوَّه الصَّخر أجَدِّد قُوَّة .. واستَنَّى كَلامَك

2. مافيش عَندَك مانِع .. تِدِّيني الغَلبَة عَلى عَدوِّي

وقُدَّامي تدافِع .. وتَسبيحي يدَوِّي

عَنِّي تحامي تعَلِّي مَقامي .. واثبَت يوم الشَّر

عَلى صَخرَة بتِرفَع أقدامي .. ويغَطِّيني البِر

3. مافيش عَندَك مانِع .. أدخُل لَك واحكي في حجالَك

واقرَّب ليك خاضِع .. مَسبي في جَمالَك

عَلَمَك فوقي مَحَبَّة تَمَنها .. دَمَّك وصَليبَك

مين يقدَر يفصِلني عَنها .. وانا إيدي في إيدَك

4. مافيش عَندَك مانِع .. أتكَلِّم واشهَد بِجَسارَة

واكون خَدَّام نافِع .. ادَواتُه شَبَكَة وصِنَّارَة

يا ناس دَه حُبّ يَسوعي خَلاص .. هَدَفي والدَّافِع

ولا هاتلاقوا في غيرُه خَلاص .. دَه ماعَندوش مانِع